Back Кацёл з Гундэструпа Byelorussian Котел от Гундеструп Bulgarian Calderó de Gundestrup Catalan Kotlík z Gundestrupu Czech Pair Gundestrup Welsh Gundestrupkarret Danish Kessel von Gundestrup German Χύτρα του Γκούντεστρουπ Greek Gundestrup cauldron English Kaldrono de Gundestrup Esperanto
Kaoter Gundestrup zo ul lestr arc'hant, eus oadvezh La Tène, etre ar c'hentañ hag an eil kantved kent JK, a voe kavet e 1891 en un daouarc'heg, e-kichenik Gundestrup, e parrez Aars en Himmerland, e Danmark hag a weler hiriv en Mirdi Broadel Danmark e Kopenhagen. Ur skouerenn all zo bet graet anezhi da ziskouez e Mirdi Gall-roman Fourvière, e Lyon, e Bro-C'hall.
Graet eo gant 13 plakenn arc'hant, 12 anezho kinklet kaer, hag unan all a zo kelc'hiek en diaz anezhi. Kinkladurioù diavaez ar gaoter a ziskouez doueed kelt ha lidoù dezho. Abalamour da se, ha da vent al lestr, 69 cm treuz, 42 uhelder, e soñjer e oa bet graet evit aberzhoù relijiel.